შეხვედრის მონაწილეებს საშუალება მიეცათ მიეღოთ ამომწურავი ინფორმაცია გარემოზე ზემოქმედების შეფასების განახლებული პროცედურის შესახებ და კითხვები დაესვათ მშენებლობის ნებართვის მიღების თაობაზე ექსპერტებისათვის - ელენე დარჯანიასა და გია ჟორჟოლიანისთვის.

ღონისძიება ევროკავშირის მიერ მხარდაჭერილი პროექტის "სამოქალაქო საზოგადოების ორგანიზაციების გაძლიერებით, მათი ჩართულობის უზრუნველყოფა გადაწყვეტილების მიღების პროცესში ადგილობრივ და ეროვნულ დონეებზე" ფარგლებში ჩატარდა და მას ბიზნეს და სამოქალაქო სექტორის წარმომადგენლებთან ერთად მუნიციპალიტეტის მერიის შესაბამისი სამსახურების თანამშრომლები დაესწრნენ.